Joriy yilning 6-fevral kuni viloyat statistika boshqarmasining tarkibiy boʻlimlarida “Huquqiy bilimlar kuni” doirasida Oʻzbekiston Respublikasi Prezidentining 2025-yil 26-dekabrdagi parlament va xalqqa murojaati muhokamasi boʻlib oʻtdi. Oʻzbekiston prezidenti Sh.Mirziyoyev parlament va xalqqa murojaatida korrupsiyani davlat taraqqiyoti va jamiyat ishonchiga asosiy tahdid sifatida baholab, 2026-yilda korrupsiyaga qarshi kurashish sohasida “favqulodda holat” eʼlon qilinishini bildirdi. Shuningdek, 2026-yildan barcha idoralarda korrrupsiyaga qarshi yangi nazorat tizimi joriy etilishini eʼlon qildi. “Lavozimim, unvonim bor, menga hech kim tegmaydi, deb oʻylaganlar adashadi... Davlatning har bir soʻmi boʻyicha shaxsiy javobgarlik kuchaytiriladi”, -dedi prezident.
